|
Y'en avait iun du Carrefour Sélous Tchi s'dguérit eune fais d'eune hôrribl'ye toux, Car i' s'fit du syrop Auve d'la graisse dé pirot Et s'vantait, ma fé, qu'il avait bouan goût Un viér garçon du bord dé Bouann' Niet Avait l'habitude dé p'tunner au lièt, Eune bordée i' mint l'feu A blianket et lîncheu Et i' porte à ch't heu lé nom du « trallé ». Pour ch'tî-chin il est dé la Grève de Lécq, Ch'est un bagouleûx fini - i' n'a qu' bec Et quand i' s'excite I' vos pâle si vite Qué nou n'sait pon s'i' d'vise en Latin ou Grec. Un autre est d'St. Saûveux - vingtaine des Pigneaux, I' happe des taûpes pour en saûver les pieaux, I' les sique et les paque Pour s'en faire eune câsaque Et lé d'dans s'ra couvert auve d'la pé d'crapauds. I' y'avait eune vielle fille du Mont au Roux Tchi faisait d'bouannes crêpes auve du lait doux, Et disait : "Personne né s'en fiche Dé mes crêpes dé lait d'biche, Et quand nou m'en d'mande il y'en a pour tous". |
Viyiz étout: