Les Pages Jèrriaises

Nos Limericks

Le succès d'not prumié Limerick m'a fait craithe que j'pouvons pas faithe mus qué d'les continué.

Ou z'en trouvthez don' un autre pus bas. La chinquième ligne y manque. A vous d'la rempl'yi.


Un chantgni d'Saint Ou, Bram Bilo,
S'en fut à Paris vaie la Milo
(Laissant Nancy siez l'yi)
“Chutte Statue là, s'fit-i.”

..........................................


J'ai oui dithe qu'i' n'ya pas yeu grands hoummes coumme défunt l'Chantgni Bram, et qui n'ya pas, en conséquence, grands mots qui piessent rimer avec Bilo. J'verrons bein sis nos lecteur en trouv'thont. N'en f'chin d'eux-trais, en tout cas:

Ilo, ballot, filo, Pallot, kilo, sello, grello, etc., etc.

(Pour les siens qui n's'éthaient pas tch'est qu'chest qu'un Limerick, n'en f'chin yun, fini:

Yavait un forgeux d'la Hougue Bie
Qui faisait servi d'bain gros ôtis
Un jour san marté
L'y'êcrasi un dé...
J'nose pas êcrithe les patholes qu'i dis.)

 

Nouvelle Chronique de Jersey 4/9/1907
 

Viyiz étout:

 

Les Pages Jèrriaises