Les Pages Jèrriaises

Des leunes à pilvâtchi

 

eune leune

Des leunes sont à pilvâtchi sus les tchais.
Il' ont tchitté lus siez-ieux souosmathîn,
Laîssant les pihangnes, l's esprots et les pliaies,
Fliottant liain des chèrvettes et du crabîn.

Nou-s'éthait dit des “dgèrrièrs Portûndgais”
Qu'ches leunes tchi sont à drisser entre les gens,
Auve d'la vèrte feunmée enfuntchant lus vouaies,
Halant lus tentacl'yes dans des nouages d'enchens.

D'licates coumme fliambes ieauseuses, i' dansent acouo,
Cachant les mathées, faîthant des pithouettes,
Ches bieautés tueûthaient ichîn coumme à l'ieau,
Bras d'ssus bras d'ssous - tentacl'yes, pitcheuses et pouettes.


 

Geraint Jennings
Fête du Fricot
Mai 2002

 

Viyiz étout:

 

Les Pages Jèrriaises