Les Pages Jèrriaises

Jé dais t'aimer


It Must Be Love



J'n'éthais janmais creu qué, ma fé,
J'té manqu'thais, coumme j'lé fais.
J'n'éthais janmais creu qué jé s'sais
Si en amour
Dé té.
Au moment qué j'm'rêvil'ye,
À mînniet, à méjeu,
Jé sai qué ch'est té tchi m'faut:
Ch'est té tchi m'fait heutheux.

Jé dais t'aimer, t'aimer,
Jé dais t'aimer, t'aimer,
J't'aim'thai mus, j't'aim'thai pus
J't'aim'thai tréjous.

Coumme tchi explyitchi qué j'pouôrrêmes
Tant pâler,
Sans dithe mot?
J'aimons natuthellement coumme les
Moûques à myi
Et l's ouaîsieaux.
J'sis forchi d'êt' auve té
À mînniet, à méjeu -
I' n'y'a pon d'aut' manniéthe
tchi pouôrrait m'faithe heutheux.

Jé dais t'aimer, t'aimer,
Jé dais t'aimer, t'aimer,
J't'aim'thai mus, j't'aim'thai pus
J't'aim'thai tréjous.

Au moment qué j'm'rêvil'ye,
À mînniet, à méjeu
Jé sai qué ch'est té tchi m'faut:
Ch'est té tchi m'fait heutheux.

Jé dais t'aimer, t'aimer,
Jé dais t'aimer, t'aimer,
J't'aim'thai mus, j't'aim'thai pus
J't'aim'thai tréjous.

 

Viyiz étout:

 

 

Les Pages Jèrriaises