Y'a dg'ieau caude dans la p'tite maîson

Y'a dg'ieau caude dans la p'tite maîson;
Vite! Va qu'si lé plionmi!
Ch'est qu'les tchuyaux ont 'té mêlés;
Man tchu est mié-bouoilli.

Lé trône a 'té changi en ticl'ye
Par eune faute d'la plionm'thie.
I' faut y'ajouôter des gliaichons
Pouor saûver man tchu tchuit!

Dêmêle don ches tchuyaux, s'i' t'pliaît;
Mes fêsses daivent èrfraidgi.
Là-bas i' m'faut un mio d'confort;
Hors auve chu jacuzzi!