Les Pages Jèrriaises

Souos eune couvèrtuthe pitchie d'bliu et d'blianc


Souos eune couvèrtuthe pitchie d'bliu et d'blianc,
lé brun et l'rose lus êtravèlent au liet,
les couongnets caûffés et les côtes couôsues,
et au solé touos l's os sont tréholés

et châtchis. Eune stchelette en pièrres et tuiles,
enfliubée d'ponsi et couvèrte en glyi,
eune chai caûd'linne tch'êmoûque et êmèrvil'ye,
tchi tape la jaue: un baîsi en grannit.

Les hanques, des huthieaux dans l'bel, boulent et fliambent;
les f'nêt's couies clyinn'tent; eune matinnée à jeun
sans tchi nou gouôt'tait bein des bras, des gambes,
d'auve les fièrs en haut, les frouques en d'sarreun.

Geraint Jennings

 

Viyiz étout:

 

Les Pages Jèrriaises