|
J'tais un nouage êdgéthé dans l'ciel, À man tout seu, par les valettes; D'un co, j'vis, coumme des êtînchelles, Un fièr fliotchet doré dé g'zettes, Dé par la mathe, et souos les bouais, Coumme i' craûlaient, coumme i' dansaient! Eune jaune constellâtion sans fîn Tchi lithait coumme lé C'mîn d'St. Jacques; Des bachinnées d'flieurs en pâlîn Saûticotaient au bord du lac; J'en viyais dgiêx mille! Et ches g'zettes Trembliaient en châtchant lus trompettes. Si les louêmes dansaient dans lus lueu, Les flieurs 'taient pus ensolilyies; Et l'pus tchoeuthu est l'pouôrre rînmeux Atchilyi dans chutte compangnie. J'dgettais... j'dgettais, et tant pus j'dgette, Tant pus j'adouothe, mé, l'or des g'zettes. Car bein souvent, quand j'sis couochi À leuner, les g'zettes d'or au tchoeu M'ensolilyissent et charment mén yi, Et j'sis heutheux à man tout seu; Et pis toute ma jouaie est compliète Car j'sis à danser siez les g'zettes.
|
Viyiz étout: