Les Pages Jèrriaises

Des Grâces

Pouor chein qué j'allons èrchéver
qué lé nom dé Dgieu s'sait béni. Amen.

 

Pouor chein qué j'avons èrchu
qué lé nom dé Dgieu s'sait béni. Amen.

 

Au nom et à la glouaithe dé Dgieu,
mangeons, bévons, èrconnaîssants qué touos nos dons veinnent dé Li
Par Jésû-Christ - not'e Seigneur et Sauveur. Amen.

 

Au nom et à la glouaithe dé Dgieu,
mangeons et baivons auve èrconnaîssance pouor tout l'bein tchi nouos veint d'en haut,
Par Jésû-Christ - not' Seigneur et Sauveur. Amen.

 

Pour lé mangi qué j'allons èrchéver et pour la compagnie dé nos bouons anmîns, jé t'èrmèrcions. Jé t'èrmèrcions, au nom dé Jésû-Christ nouôtre Seigneur et Sauveur. Amen.

 

J'mangeons et j'bévons èrconnaîssants qué touos nos beins veinnent dé Dgieu. Par Jésû-Christ nouôtre Seigneur et Sauveur. Amen.

 

Seigneur Dgieu, pour lé r'pas qué j'allons èrchéver si bein présenté, et pour l'amiêtchi dé nos anmîns, jé t'èrmèrcions et j'té glorifions, au nom dé Jésû-Christ nouôtre Seigneur et Sauveur. Amen.

 

Pouor lé mangi
et l'amiêtchi,
j't'èrmèrcions,
not' Bouôn Dgi

 

Viyiz étout:

 

Les Pages Jèrriaises