|
À la Saint Hélyi dans l'Vièr Marchi à Saint Hélyi j'éthons di ji atout des poésies douoches coumme du myi. Pouortchi? Ch'est la Saint Hélyi! Dé Granville ou d'Jèrri jé slam'thons auve du pliaîsi. Ouïy'- ous la rînm'thie rêjouie, mârrie, aîsie ou complyitchie. Ch'est-i'? M'est avis qu'chutte compangnie rêvilyie a prêchi du d'si tchi s'est sîlyi dans la pathol'lie. Qu'nou sait vyi ou rajanni auve ou sans scrit d'niolinn'nie ou d'bouon esprit, auve un ri ou un soupi Ché s'sait pitchi d'néglyigi ches dithies tch'ont crouaîsi la Dêroute dans not' pétit pays. N'y'a pon d'dêroute dans chein qu'nou dit, ch'est tout ladgi à un fi près, à seule fîn d'vos êmoûtchi. Mouôn Dgi! Né landgiz d'aut', mais faites du brit, d'la criethie ou eune bouochie et d'mi d'chathivathi Épis, l'vèrdi en s'sait d'appliaudi. Et né v'la ma slam'thie finnie à la Saint Hélyi dans l'Vièr Marchi à Saint Hélyi. À bi! Geraint Jennings 2023 |
Viyiz étout: