Les Pages Jèrriaises

Les mînséthes d'un p'tit garcon

Je sis ennyié d'être tréjous lavé
Par ma memmée du matin au sé,
Ou m'chante tréjous la même chanson
Et dit que j'sis un sale garcon.

Si j'vais jouer au bord du canné
Qu' j'èrveins mouolli jusqu'à la pé,
Ov mes soulyais comme des batchiaux,
Nous créthait qu j'éthais assez d'iau.

Mais noufait d'ja, ou ramasse eun torchon,
Et vite de l'iau et du savon
En criant à toute la maison:
"Ergardez don chu vilain garcon."

Ou m'lave la fache et drièthe les ouothelles,
Et mes pouorres gn'ouors sont en brédelles;
Si ch'est qu'ou persiste j'sis seu qu'ma pé
S'en va bétôt s'en aller.

Je sis en train d'aver eune revolution
Et ès memmées apprendre eune léçon,
Pour lus montrer qui n'y a pas d'bouon sens
De laver les garcons le long du temps.

Si j'tais nègre je s'sais bein mus,
Car ou perdrait san temps à frotter d'sus,
Mais quand je s'sais grand j'ai déjà dit
Jé n'me lav'thai rein qu'au Samedi.

FMH
 

Viyiz étout:

 

Les Pages Jèrriaises