Les Pages Jèrriaises

Es Viers Jerriais

Air: Au clair de la lune, etc.

Lanterne Magique,
Montrez les bigots,
Et lus draine trique,
Pour happer les sots:
Lus drain tou de traître,
Pour attrioqui,
Est un coup de maître,
Ch'est Matqeu Gruchy.

La draine nouvelle
De la Papauté
Est presque aussi belle
Qu'l'Infaillibilité:
Un prêtre à confesse,
Espèce de chorchi,
Veurt dire la messe
A Matqeu Gruchy.

Nou dit que l'saint homme
Etait un fraudeux;
Eh bein, ne vlà comme
Nou peuplle les cieux:
L'agent jésuitique,
Pour vous aveuggli,
Se sert de la trique
De Matqeu Gruchy.

Souv'nous d'la parole,
- T'nous pour avertis, -
De la parabole
Du loup, des brebis:
De saints de la sorte
Faites bouan marchi;
Mettez à la porte
Saint Matqeu Gruchy.

Allons, l'Anmin Flippe,
Désengourdis té,
En ptunant ta pipe,
Veins t'en, aide mé;
Esprit satirique,
Tu as là biau ji,
Expose la trique
D'Saint Matqeu Gruchy.

 

Un Vier Jersiais
La Lanterne Magique 26/10/1872

 

Viyiz étout:

 

Les Pages Jèrriaises