|
Lé Stoïcien du temps pâssè Prenait tout coumme i l'y v'nait, Bounheur, jouaie, adversitè, Jamais rein né l'dèsrangeait. I n'en reste pus dé chutte trempe là, La race en est perdue, evidemment, Un' houmme d'achet'eu s'pliaint si l'a du ma, Et s'mèt a rire si l'est content. I fait dé biaux projès pour l'av'nin, Avec l'Espoir dé s'enrichi; Mais si tout manque et que l'Destin Travaille tout l'temps contré l'i, I s'lamente et sé chagrinne, Et est bein prêt d'en affoler, Oubliyiant qué l'Espérance est coumme unn' glinne: Ou pond tréjous pus d'oeu's qu'ou n'peut couër! JP 1914 |
Viyiz étout: