|
Allons garçons! Faûciles en main... Dêpêch'ous, il est temps d'être hors: Jé veins dé vaie coumme est qu'est l'grain, L's êpis pendent et sont comme dé l'or. Allons hardelles! Vos bannettes et vos grands d'vant'tchieaux. R'brachiz vos manches... et vite au clios. Garçons, à la faûcile!! Faites les dgèrbes mes filles! Allons, allons, touos d'raide bouan tchoeu... J'sommes en avou à ch't heu! Mettez vos câsaques sus l'fôssé, Ou pendez-les au vièr chât'nyi; Faut profiter du bieau solé, Et d'bouan tchoeu faut nos entr'aidgi. Tch'est qu'il en est si j'allons bétôt d'puther d'sueu? I' faut s'y-attendre avec eune telle caleu. Garçons, à la faucile! ! Faites les dgèrbes mes filles! Allons, allons, touos d'raide bouan tchoeu... J'sommes en avou à ch't heu! |
Viyiz étout: