|
À la Chapelle St. Êtienne des côtils Jé trouve l'abri des bouais, si hauts, si draits, Lé russellement d'la Forêt d'Éawy Et toute la clyiqu'thie rhythmique des critchets. La p'tite chapelle est muchie sus l'côtil. Sa r'ssource sainte tchait paîsibliément ava Dans sa vallée mystéthieuse et bouaisie. Des bouais chuchottent lus priéthes chîn et là. Lé preunmié saint tchi mèrque chu vièr côtil Dit à châque bouais “Veins, m'n êfant, dgéthis-té...” Lus priéthes sont portées par les moûques à myi Et par des pélérîns sus bike, coumme mé.
Geraint Jennings |
Viyiz étout: