|
La bliâse du Nord ouachinne les clios dé gris; Les fossés né sont pus qu'des louêmes blianchies; Les monts-ès-minnes avanchent à nos m'nichi; Ches bouais nus ont happé des boules dé dgi. Les monts fûtent faits par les minnes temps pâssée; Ches néthes pyramides avaient 'té dêfouies; Lus nièr trésor n'éthait pon peu valer Pus qu'les bouais jongliant auve des boules dé dgi. Lé dgi né sembl'ye rein qu'des blianches pèrles ailées Tchi, coumme lé coucou, juquent siez l'êtrangi. I' sont bein pus êtranges qu'un arbre dé Noué - Ches silhouettes dêcorées dé boules dé dgi.
Geraint Jennings |
Viyiz étout: