|
Danse-mé à ta bieauté atout un violon à feu Danse-mé l'travèrs du d'so pouor qué j'sais deux fais seux Lève-mé coumme eune branque d'olive et sai man colombyi Danse-mé au but du d'si Danse-mé au but du d'si Oh dêmuche-mé ta bieauté quand n'y'étha d'aut' tchi têmouongne Laîsse-mé r'muer tout l'tou d'té coumme nou fait à Babylonne Mouontre-mé douochement d'en par iou j'éthai à en finni Danse-mé au but du d'si Danse-mé au but du d'si Danse-mé don ès neuches achteu, danse-mé et r'danse-mé Danse-mé hardi tendrément, danse-mé tout trans'mé J'sommes touos les deux n'yés dans not' d'si, et étout haut jutchis Danse-mé au but du d'si Danse-mé au but du d'si Danse-mé ès cheins à êt' nés, danse-mé ès avièrs Danse-mé par les ridgieaux ênouoillis par nos baîsièrs Haûlîngue achteu un abri même qu'les fis saient g'dachis Danse-mé au but du d'si Danse-mé à ta bieauté atout un violon à feu Danse-mé l'travèrs du d'so pouor qué j'sais deux fais seux Touche-mé à tan fîn fraid nu ou touche-mé habilyi Danse-mé au but du d'si Danse-mé au but du d'si Danse-mé au but du d'si Vèrsion Jèrriaise 2013 |
Viyiz étout: