Moussieu l'Esditeu, - Man pèthe, qui fut nai d'vant la
bataille de Gerry, avait oui à s'noncle François que la Crouaix du Marchi 'tait
en granni de la Perruque, et que quand nou mins la Pyramide pour le bouan Roey
Georges daeux, nous mint d'sous la Crouaix pour li servir d'fond'ment... J'sis
mangnière de vier Antiquoeux, qui prends souain d'ses herpins, - mais
j'donnerais oquo bein un vingt siex sous pour aiguir à la r'désenterrer, chute
noble vielle Crouaix! qu'avait tai plaichie au siégièime siècle par les prumiers
qu'resquains qui vinrent ichin avec touos les saints. Ou pouvais métttre mon
nom bas, Moussieu, dans vouot préchaine Gazette, pour vingt-six ou trente-siex
sous, pas pus si vos pliait Moussieu l'Esditeu, car les temps sont bein duairs.
Salut, jouaie et santai, man bouan Moussieu,
Vouot serviteu,
Oméga.
Nouvelle Chronique de Jersey 16/6/1888
Viyiz étout: