La pue longu' vie pâsse à grands pas :
Ch'est un rêve, èt v'là tout . . . .
Ou s'êcoule èt s'en va, hèlas !
Coum' l'ieau couorant' d'un dou ! . . . .
Les louêm's ont 'tè 'rmèrtchies du chain
Qu'a sus la grèv' pâsèt ;
Coume i s'ent' pous'nt pour v'nin au pliain . . . .
V'là d'la vie lé portrèt !
Quand j'criyons t'nin bain-bon l'présent,
I s'êcril' dans l'pâsèt . . . .
L'temps qui vain n's'ra pas diférent,
Mais, faut s'fié, tout itèt . . . .
Du temps sachons, don, profité :
Sans truncé, dêcampons
Siè l'frèr' dans l'bésoin li porté,
Oui, tout l's'cours qué j'pouvons !
J.D.R.
Chu 11 Mars 1868.
|
