|
“The light of other days.” A qu'menchi, j'sis un m'yio nèrrhveux, Car jamais poète – entr'é nous deux, N'a chantêh, j'sis presqu'-é seux, La graisse d'chandelle. J'ain'n'pâle pas de l'”Ozokérit,” D'la “Stearine,” ni d'la “Composit',” Ni même des chinnes qui lus self-fit Lus neuves chandelles. Ni d'jaunes, ni d'rouoges, ni d'b'i'y'eues, ni d'vèrrhtes, Qui n'ont pas bésoin d'êmoucheittes; Les f'nêtres des boutiques en sont faittes Lé Sam'di d'Noué. Nen j'ain' n'mêle pas d'la “Stearaffine,” D'la “Palmitine,” ni d'”Paraffine,” Mais j'chante bouannes gens en deus trêis lignes La vieille chandelle. La vieille chandelle des bouans vièrrhs temps, La chandelle dé nos bouannes vieilles gens, Qui l'z'êquiéthait y'a chinquante ans La VIEILLE chandelle. Vaithe la bouanne vieille chandelle dé jonc, qu'avait à pé près deux pids d'long, J'ain' n'sait si ach'teu il'en font D'chutte sor-té là? Pis y'a la cheinne à la ba'g'hètte, Et quoîqu'faut tréjous d'z'êmouchèittes, Miyieuthe sorte jamais n'a 'taîth faîtte Ch'est ma chandelle. Ah! ou'ést qu'n'ou s'ait dans une maison Sans une chandelle d'la vieille faîthshon, Faithe sans y'm' semlle qu'j'ain'n' pouôrrais pon Un but d'chandelle. Dès qué j'mé mais à t'chèrrpenté, A scié ou bein à raboté, J'cris à Nancy vite d'm'apporté Un m'yio d'chandelle. Car, si j'mais un vïs, sait à une porte, Une t'chaîthe, une bouëte, ou bein n'importe, Jamais j'ain' n'manque – tréjous j'y frotte Un m'yio d'chandelle. Quand ma chuvièthe, au but du manche Ou'est qu'est la reûe à oûïmbré qu'menche, J'y tappe tout d'unco une p'tite tranche D'graisse dé chandelle. Si mes sétheûses ou fiches dé portes, Cadnas, k'lliant'-chêhs, k'lliêhs dé toutes sortes, Sont un m'yio rouïes, bein vite j'lus frotte Un m'yio d'chandelle. Et souvent quand j'ai taîth à llieau, Et qu'mes bottes sont duthes comme dé s'os, J'les r'faîs molles avec deus trëis miyios D'graisse dé chandelle. Pis quand la n'yièh au lanchon j'vais, Qué n'ou' n'vait lèrrhme; b'yieau pèrrhot j'sais, Si dans ma vieille lantèrrhne j'n' avais Un but d'chandelle. Quand Nancy est 'enchiffrénêh, Dévans s'couochi, sus l'haut du nêzh Ou s'pique tréjous une bouanne tappêh D'graisse dé chandelle. Et si ses mains sont alitrêhs; Un simp'yierr'm'yiède: - p't'être qu'oul savêzh: Ou frotte d'sus dès qu'ou l's'a lavêhs Un m'yio d'chandelle. Et pis si les mousses ont la toux I'l n'y'a rein miyieu; èt ch'est si doux, Un miyio d'gris pap'yié, êt en d'sous D'la graisse d'chandelle. Vaithe un emplliâtre sus l'pétrinah Nancy lus cllutte èt dis la! lah!! Son' n'faith pon d'bein, ou' n'f'tha pon d'ma Ma graisse d'chandelle. Quand les r'frédeuses les font dansé, Qui sont m'yié fots t'chiqu' fais au sé, Ou lus rafraîchis l'zorrtais tu sait 'vec d'la chandelle. Ou' m'dit ètout qu'on' né pouôrrait Faithe mes miyieûthes d'gênes èrrlïsait, Si dans son enpée ou' n'mettait Un but d'chandelle. Enfin j'ain 'n 'sait pon t'chêqu'jé f'thais, Etèh, Hivé, dé mais en mais, Si dans la maison j'ain' n'gardis A farthing dip Une Vieille Chandelle. |
Viyiz étout: