Les Pages Jèrriaises

Nou lavait à matîn not' Cénotaphe

Nou lavait à matîn not' Cénotaphe
auve eune cranne atout des piêssants jets dg'ieau.
En êclyichant l'ieau finne tch'êputhe et paffe
et êcliûthe, ch'est d'èrcrouaîsi bein les tuaux.

Ch'est d'même qué j'arrouôsons not' saint grannit;
j'gardons nos monuments nets et lithants;
ainchîn nos mèrs et mémouaithes sont nettis
et j'èrgriyons nos morts tchées et tchiyants.

Au temps pâssé nou criyait qu'nos pouquelayes
'taient pouor les sacrifices - des pièrres d'auté:
un grand prêtre attînté dé dgi griyait
ses victînmes onguennées souos san couté.

Si ch'est atout dé l'ieau ou bein du sang
qu'nou l's arrouôse - ch'est des lèrmes ès monuments.

Geraint Jennings

La Pouquelaye d'Faldou Not' Cénotaphe

 

Viyiz étout:

 

Les Pages Jèrriaises