Les Pages Jèrriaises

J'n'en cach'chais pon les cats


My granddad, viewing earth's worn cogs



Papa, en r'gardant chu monde et s'n êtat,
mé dit: “Ma fé, j'n'en cach'chais pon les cats!”
San grand-péthe avait r'mèrtchi: “Nânnîn-dgia!
Sus autchun compte j'n'en cach'chais pon les cats!”
Il avait ouï ch't avis dé san Papa:
“Tu sai, man p'tit - j'n'en cach'chais pon les cats!”
Et san grand-péthe criyait en généra:
“Lé monde achteu? J'n'en cach'chais pon les cats!”
San grand-péthe, li, au mitan d'san travas
lî'avait dit: “J'n'en cach'chais pon les cats!”
Et même dévant qu'un houmme né mînsse un fa,
san grand-péthe dit: “J'n'en cach'chais pon les cats!”
Et san grand-péthe, bein longtemps d'vant chenna,
s'pliaingnit ainchîn: “J'n'en cach'chais pon les cats!”
Mais en r'gardant chu monde, i' m'est avis
qu'les cats n'ont pon bésoin d'en êt' cachis.

 

Geraint Jennings
Novembre 2002


 

Viyiz étout:

 

Les Pages Jèrriaises