|
I' montent la garde au grand Palais; Robîn y'allit acanté Mollé. Mollé s'mathiêtha auve un grénadgi. "La vie d'un soudard n'est pon bein aîsie," dit Mollé. I' montent la garde au grand Palais; Robîn y'allit acanté Mollé. J'vînmes eune sentinnelle au dget. "Un sèrgent lî'apporte eune tâssée d'thée," dit Mollé. I' montent la garde au grand Palais; Robîn y'allit acanté Mollé. J'èrgardînmes, mais l'rouai n'tait pon là. "Il est probabliément en travas," dit Mollé. I' montent la garde au grand Palais; Robîn y'allit acanté Mollé. Dans l'gardîn y'a des grands partis. "Jé n's'sais pon l'rouai pouor chîn chents louis," dit Mollé. I' montent la garde au grand Palais; Robîn y'allit acanté Mollé. J'vînmes eune fache, mais ché n'tait pon l'Rouai. "Sans doute, il est hors à gouvèrner," dit Mollé. I' montent la garde au grand Palais; Robîn y'allit acanté Mollé. "Crai-tu qu'lé Rouai m'connaît, li?" "Bein seux, mais achteu faut dithe à bi!" dit Mollé. Geraint Jennings vèrsion d'Buckingham Palace d'AA Milne |
Viyiz étout: