J'ai
tendu
mes bras d'chai
à té, m'n adgu.
Les minnutes landrinnent;
les s'gondes tînfées en heuthes
droûlent à mes pids et topinnent
pouor faithe ès hôlouoges, des slîndgeûthes.
J'espéthe ta tenvre rêponse, tes tendres bras
allouongnis pouor mèrtchi l'pâssage du temps.
N'sai pon têtouongne, les brîns d'sablion tchaient ava,
lus amouochèlent en syllabes en y moulinnant.
Les minnutes d'gouttent, lé ponsi du d'si fliottant dans l'air,
et j'restons pendus ès cros, daûssés dans châque achie d'mots.
J'y sommes crouaîsis d'cârillons, couôsus d'pliaies du sablion dans l'vèrre,
et j'ai tendu m'n amas d'chai à té, m'n adgu, man niaûmîn, m'n îngnot.