|
Sangnant du bliu du S'tembre souos chu ciel d'encriyi, eune mathe ès mouaithes èrboule aupi d'la ronchonniéthe; mes ièrs sont pitchis par l's êpîngnes ensolilyies tch'êgaluent à la gliaine lé sang tchi d'goutte du suaithe d'un ciel cliai coumme du vîn tchi dêgouglonne d'à haut; des taques sanglieuses, sûthâtres, sont affilées à fliot; d'un bord lé pourpre et d'l'aut' lé v'lous des blius ridgieaux taqu'tés dé sang, meurdris atout l'ma, atout l'dro tch'êvaûcrue la montée d'un piêssant pur jus d'mouaithes, des meurdrisseûthes mathinnes n'yées. Abouon d'bouqu'tées dg'ieaux sont êtrueûlées ava à la vaûbathe, à baithe d'un encriyi à dents renvèrtchi ès batchieaux. Geraint Jennings 14/9/2012 |
Viyiz étout: