|
La corde à linge est un Baromètre d'famille, Quand j'vai' dans une êtente un tas de pouorr's guenilles, Rapiéchies, Rabdachies, qu'ont' 'tè minses et raminses, Des braies au fond usè, des vièrs collets et qu'minses, Des vestes sans boutons, des corsets êraillis, Des cotillons r'dèrnès, des calobres pèrchies, Je m'dis: “Y'a par ichin un régiment d'avièrs!” Et d'vant la corde à linge, ah! qu'jai pitchi des vièrs! Je n'sis pon grand marcheux mais, aimant la natuthe Je vais parfais m'proum'ner d'bord et d'autre en vaituthe Et j'vai des tas d'maisons sans presque autchune êtente Lus corde à linge est courte et le p'tit qui s'y êvente Ch'est deux-trais blian's mouochèts, qui n'ont pas même un creux, Un blianchet, un d'vanté, p't'être un collet ou deux! “Triste maison,” je m'dis, “sans p'tits garçons ni filles; Ichin la corde à linge attend pour la famille!”
|
Viyiz étout: