Les Pages Jèrriaises

À Élie

J'ai ergrèt pour té, ammin Élie,
Dé ta bordée dé pêque mantchie,
Mais jé n'en r'veins pon dé té n'ambiti'on
De vouler t'en aller, pardingue, au paisson
Ov touôs les grands Messieûx dans lus yacht
Coumme si tu'étais unn' Aristocrate!
P't'être qué la veue des provisions
T'avait fait faire des réflexions
Sus l'Socialisme, l'Egalitè,
Les droits dé l'Houmme, ou ditèt,
Et qué tu voulais ov yieux partagi
Bouannes cigârres, bère et mangi!
Jé crains qué si l'temps vos avait permins
Dé fricotter en vyiage, en bouans ammins,
Qu'i t'érait fallu, dévant v'nin au port,
Envier occuo du lèst hors bord!

Ta pêque mantchie, tout l'monde y perd,
Car tu'érais èscrit en prose ou en vers
Unn' belle histouaire pour la Gazette,
Dé pêques mirachuleûses qu'ou z'érêtes faites:
Vrâs, angulles, houmards, ormers,
Tout l'paisson d'la mé, dans pouques ou panniers.
Enfin, erconsole té, Élie, oublyie tan chagrin,
Y'io occup pour té unn' fête du paisson,
Un paisson modeste, mais tchiq'chose dé bon,
Sans penser ès Minquiers, ou ès Ecréhos,
Tu'iras ov Mess Bisson à la pêque des manchots!

J.P.
11 Mars 1912

 

Viyiz étout:

 

Les Pages Jèrriaises