|
Y a bétôt chinquante ans que j' nos mînmes en ménage Quand j'prînmes la petite ferme au bouanhoumme Jean Le Page. Y'en avait sept vrégies et un bouan miot d'côtis Les patates y v'naient bein car ch'tait bein à l'abri.
J'avons ieu sept éfants et ch'tait touos des garçons:
Lé deuxiême est bein haut, il est bé coumme lé jour
Lé treisiême est forgeux, et n'est pas acouo mathié
Lé quatreiême est matelot dans un navithe angliais
Lé chinquiême est fermyi et fait gentiment bein,
Lé siexiême est machon et travaille pour l's Etats,
Lé septiême et dernyi est sergeant dans l'Norvouest,
A ch't heu' qu'ou savez bein tch'est touos nos garçons font,
|
Acouo eune vèrsion:
|
Y'ia bétôt chinquante ans que-je nos mîmes à maînage, Quand j'prîmes la p'tite ferme du bouanhomme Jean L'page, Y'en avait sept vrégies et un buoan mio d'côti, Les patates y v'nais bain, car j'té bain à l'abri. J'avons yeu sept êfans et j'té touos des garçons, I' sont touos bain bâtis et sont forts comme des llions; Lé prumï a mathiè la fille à Jean L'Geyt, Ils n'ont dêjà six et bétôt néthont sept. Le deuxième est haout, - il est bé comme le jour, - Il a mathié la fille au vier Frank de la Cour, I' n'sont pas si chanseurs car inne n'en n'ont yieux qu'deux, I' n'en néthont pas d'autres, de chonna j'en sîs seux. Le traisième est forgeux, et n'est pas oquo mathié, Mais il est engagi à la fille à Phlip Touet, Ou'l est faiseresse de bonnet et ou ganne de bouans sous, Chen est y'une de chais'-là qu'nou n'trouve pas partout. Le quatrième est matelot dans un navithe angllais, Il est mathié ch't'îla et j'cré qu'il n'ont trais; Ch'est un Angllaiche qu'il a prins n'ou dit qu'oul est bouane, Ou'l est grosse comme une tonne, à la vaie yia du funne. Le chinquième est fermyi, et fait gentiment bain, Mais sa femme est d'licate et n'a jamais fait rain, Ou'l té manièthe de d'moiselle et ne v'la s'qui y'en a, Quand nou prend di telle femmes nous' en a tout l'suffa. Le siexième est machon et travaille pour l's'Êstats, Et sa femme garde êcole par le Havre-des-Pas, Touos les sièrs quant y r'vain et qu'tout est r'pathé, Ches tout d'suite la musique, il est bon au sûffliet. Le septième et dernyi est sergent dans l'Norvois, Y chante comme une orgue et est drait comme un bois, Sou' l'viyêtes souos s'n'habit le grand jour de la Reine, Ou' n'dithaites jamais que j'set l'fils à Jean L'Quesne. A'ch'teu qu'o savais, ch'êque mes garçons ont fait, J'finis d'en-par-où, fianque ma pllume de côté! Et qu'l'année qu'chi qu'menche, pour touos les lecteurs, En sé yeune de succès, de santé et d'bonheur. Jan du Neu'Kh'min |
Viyiz étout: