Mé, j'ai 'té galvaûdeux la maintchi d'ma vie
Depensé touos mes sous sus bièthe et whisky
Achteu j'èrveins siez mé auve ma bourse rempl'yi d'or
Et janmais jé n'm'en vais pon galvaûder acouo
Et ch'est nânnîn, janmais
Nânnîn janmais, noufait,
Jé n'm'en vais pon galvaûder,
Non, janmais, noufait.
Jé m'en fus au cabathet qué j'soulais hanter,
Dis à la dame qu'mes sous 'taient dêpensés ;
J'li d'mandis du crédit, ou m'fit “Nan, garçon,
Des clients comme té vont ichîn tous lé temps”
Et ch'est nânnîn, janmais
Nânnîn janmais, noufait,
Jé n'm'en vais pon galvaûder,
Non, janmais, noufait.
Jé hallit dé ma pouchette dé l'or en pouoingnie,
Et l's iers d'la bouonnefemme toute ravi ouvrit ;
Ou m'dit ; “J'ai du whisky et des vins en bathi,
Et tout chein qué j'ai dit 'taient en badin'nie”
Et ch'est nânnîn, janmais
Nânnîn janmais, noufait,
Jé n'm'en vais pon galvaûder,
Non, janmais, noufait.
J'èrveindrai à mes pathents, confesse chein qué j'fis,
Et d'mande qu'il' donnent pardon à ch't éfant prodigue.
Et si comme si souvent i' vont m'accoler
Don, janmais jé n'm'en vais pon acouo galvauder
Et ch'est nânnîn, janmais
Nânnîn janmais, noufait,
Jé n'm'en vais pon galvaûder,
Non, janmais, noufait.
Viyiz étout: