|
Vaithe men pouor vi, coumme j'y tchèns, Je n'voudrais pas l'vaie d'pichi, ni bouogi de s'sus l'ès, Bein certain'ment malheur ès siens Qui mé l'cassais, même si ch'tait pas exprès, Men pouor' vase. J'men vais vos en dithe l'histoèthe, S'ou voulez m'êcouté, j'en ai pas pour longtemps, I fut dounné à ma grand' mèhe, Quand ou s'mathyi, yia bétêt nonante ans, Men Vièr Vase! Grand'pèthe, viyous, 'tait mat'lot, A bor, de l'Hirondelle, schooner dé d'Jernési, Lé Cap'taine l'aporti dé Rio.... Tout exprès pour montré s'en' amiêtchi Par chu' biau Vase! Et, il 'tait bé j'ai oui dithe, A ma grand'mèthe qu'on n'en a jamais veu' un 'tait! Et i m'a pas cessi dé r'liethe, Car i n'a pas passé d'jour sans être êpousé, Men pouor vièr Vase! Ch'est vrai qui n'est pas d'aût' neu', Et qu'nou peu vaies qué l'gilt sus yunne des fieurs ès hors, (Tchès qui l'halli j'n'ai jamais seu') Ov tou' chonna je n'li dounrais pas pour une pièche d'or, Men chièr vier Vase! Jé m'en vais vos en dithe la forme: Un blian' lis appée sus treis roses, rouoge, jaune et blianche, Il a cuôtai un prix ênorme, Et i' n'y a pas un tei' d'laut' bor d'la Manche, Coumme men Vier Vase! Sus l'ès du foyi' dans l'parleû', A gauche de ma bouanne pipe, à côté du mitheux, Ou n'avez jamais veu' j'sis seux, Un orneman pus bé et pus tchuthieux Qué men Vièr Vase! Dans l'êté j'y mèts d'la mousse, Des roses, violettes, et d'aut' fieurs fraîches et belles; En hivé j'y mèts du housse, De la lavende, des herbes sèques, et d's éternelles, Dans men Vièr Vase! J'men vais pas en êcrithe d'autre; Si j'miavollais jé n'pourrais pas arrêté, J'voudrais pas faithe honte à d'autres, Mais i' n'y a pas d'vase, et y'n peû pas yen avé pus bé, Qué men Vièr Vase! |
Viyiz étout: