L'Êpitre à Tite
Chapitre 2, vèrsets 1-8
Mais qu'tes patholes saient en accord auve la vraie et bouonne înstruction: qu'les vièrs dévthaient êt' sîmpl'yes dans lus goûts, séthieurs, avisés, vrais dans la fouai, dans l'amour, et d'un esprit trantchil'ye; qu'les vielles dévthaient êt' respectabl'yes dans lus affaithes, sans êcliandrer d'aut's gens, sans baithe trop d'vîn, et êt' des maitrêsses dé tout chein tch'est bouôn pouor ensîngni ès pus jannes femmes d'aimer lus hoummes et lus mousses, d'êt' avisées d'esprit, puthes dé tchoeu, compliaîsantes, à travailli siez ieux, à vivre s'lon l'autorité d'lus hoummes; à seule fîn qu'nou n'piêsse rein dithe dé ma entouor la pathole dé Dgieu. Ès jannes hoummes, bâle des c'mandements d'êt' avisés et séthieurs d'esprit. En toute chose, vil'ye qué tu sai en exempl'ye des bouonnes oeuvres, saint dans t'n ensîngnage, séthieux dans tes affaithes, à pâler des vraies et bouonnes patholes contre tchi nou n'pouôrra pon faithe un protêt, à seule fîn qu'lé chein tchi n'est pon d'not' bord sait d'sahonté et au d'sans pouor dithe du ma entouor nous.
Chapitre 3, vèrsets 8-9
V'là tch'est bein vrai, dgia. J'veurs qu'tu faiche seux d'ches choses-chîn, à seule fîn qu'les cheins tchi lus sont adonnés à craithe en Dgieu souongnent bein en lus dêvouant ès bouonnes oeuvres; ches choses-chîn sont d'tchi mangnifique tchi profitent tout l'monde. Mais r'nonchiz toute dêrengliéthie entouor du niolîn, d's histouaithes dé fanmil'ye, d'l'ardgument'tie et du hèrtchîn entouor la louai - v'là tchi n'vaut rein et est pouor env'yer hors.
Viyiz étout: