bé coumme un jour

belle coumme eune flieur

bête coumme poule
bête coumme eune vaque
bête coumme eune hître
bête coumme eune âne
bête coumme Jean Badier du Dicq tchi faîthait des crêpes au dgiâbl'ye
bête comme l'âne à Jean Venement tchi rit d'sa sottise

blianc coumme du marbe
blianc coumme du lait su
blianc coumme du lait cailli
blianc coumme la né
blianc coumme un lîncheu
blianc coumme un suaithe
blianc coumme eune chique

bliême coumme un mort

bliu coumme lé ciel
bliu coumme la mé

bouan coumme lé bouan pain

calme coumme eune mathe

caud coumme un mouosson
caud coumme braise

chèrgi coumme eune moûque à myi
chèrgi coumme eune traîne

cliai coumme d'la viope
cliai coumme un lis
cliai coumme un vèrre

dgai coumme un pînchon
dgai coumme un violon

dguffi coumme un crapaud pitchi au but d'eune frouque

doux coumme du lait
doux coumme du myi
doux coumme un angné
doux coumme un mouton
doux coumme un êfant

drait coumme un bouais
drait coumme eune pèrque
drait coumme un fîsé
drait coumme un mât d'navithe
drait coumme un pitchet
drait coumme un soudard
drait coumme eune faûcil'ye

drôle coumme un cat sans coue
drôle coumme un pangni dêfoncé

dû coumme d'la chavette
dû coumme d'la pièrre
dû coumme du tchui
dû coumme un Juis

pus embarrassé qu'lé dgiâbl'ye sus eune chiviéthe
embarrassé coumme Tom Herault, tchi fut D'nonciateu deux jours et eune niet

enfaûtomé coumme la méthe ès moûques

êpais coumme dé pé sus un cat

êpèrtchi coumme un maqu'sé à s'tchi

êtendu coumme eune pieuvre

êtourdi coumme un pithot

êtravelé coumme eune couothée d'grand' bête
êtravelé coumme eune pihangne

fèrme coumme un rotchi

fi coumme pînchon
fi coumme un poux sus l'gant d'la reine

fîn coumme eune pé d'oeu
fîn coumme eune taupe
fîn coumme lé drièthe d'un p'tit êfant
fîn coumme Jean Noué tchi s'mathyit dans sa rouoge c'mînsole
fîn coumme paîvre

flia coumme eune âtelle

fort coumme du fé
fort coumme un capeste
fort coumme un j'va
fort coumme un lion
fort coumme un tchêne

fraîche coumme eune laitue à la rôsée

fraid coumme d'la né
fraid coumme gliaichon
fraid coumme gliaiche
fraid coumme la marbre
fraid coumme pouaîson

fraîche coumme eune rose
frais coumme eune laitue

grand coumme eune maîson

gras coumme eune hache dé bouais
gras coumme eune taupe
gras coumme un loup
gras coumme un pâté

gris coumme des sas à pânnais
gris coumme d'la pé d'rousse
gris coumme eune taupe
gris coumme eune grive
gris coumme eune cauche

gros coumme eune bârrique
gros coumme eune catte
gros coumme eune tonne
gros coumme eune tour
gros coumme la tour dé Babylone
gros coumme tchînze jours

habilyi coumme un Parisien

hardi coumme un page

haut coumme Belle-Isle
haut coumme un bouais
haut coumme eune vaule
haut coumme un deux-sou sus l'dos d'eune biche
haut coumme la botte d'un grénadgi
haut coumme un faîté
haut coumme eune jûte
haut coumme un pot d'cidre
haut coumme St. Jean des Pèrques

heûtheux coumme les jours sont longs

jaune coumme du coucou
jaune coumme du mèneleu
jaune coumme du safran
jaune coumme eune soucique

laid coumme lé péché du Dînmanche
laid coumme marpât
laid comme lé Cat au Sauteux

lâssé coumme eune traîne

ligi coumme eune plieunme
ligi coumme la vannité

long coumme eune vaule
long coumme la s'maine pâssée
long coumme lé bras
long comme eune gambe dé d'vant

lou coumme un cliou

maigre coumme eune âtelle
maigre coumme un chent d'cliou
maigre coumme un saque-feu
maigre coumme du faie d'tchian
maigre coumme tchi vivrait sus du vinnaigre
maigre coumme eune hache
maigre coumme un haû
maigre coumme eune mouothue
maigre coumme des cannibottes

malade coumme un tchian

malîn coumme eune chouette
malîn coumme un mèrle

mârri coumme un Nouormand
mârri coumme un lion
mârri coumme un satan

mâté coumme eune estatue
mâté coumme eune êtendpèrque

mauvais coumme la galle
mauvais coumme eune teigne

mo coumme du beurre
mo coumme d'la fouaithe
mo coumme du navet bouoilli
mo coumme d'la bouoillie
mo coumme eune tripe

mouoilli coumme un vatard

nièr coumme d'la sie
nièr coumme d'la tathe
nièr coumme du jais
nièr coumme lé Vendrédi
nièr coumme un trépid
nièr coumme un pâlièrre
nièr coumme du chapé

nu coumme un jambon
nu coumme un vèr

ordgilleux comme un poux sus du v'lous
ordgilleux coumme un poux sus l'gant d'la Reine
ordgilleux coumme un pouoilleux

pale coumme la mort
pale coumme eune chique
pale coumme eune chitchette

patchi coumme des sardinnes

pauvre coumme un rat d'êglyise

pièrcheux coumme eune âne
pièrcheux coumme les jours sont longs

pliat coumme eune crêpe
pliat coumme eune gâche
pliat coumme eune galette
pliat coumme eune mouothue
pliat coumme eune plianche

pliein coumme eune cauche
pliein coumme eune rousse
pliein coumme un oeu
pliein coumme un ticl'ye
pliein coumme la catte au dgiâbl'ye

poli coumme un dgichon r'couôsu

prompt coumme la poudre
prompt coumme la fliambe
prompt coumme eune fliambe dé feu

propre coumme un sou

raide coumme eune barre dé fé
raide coumme un mort
raide coumme un pitchet
raide coumme un tangon

rapace coumme un êteurcélet

rare coumme les bieaux jours

rêvilyi coumme eune pannelée d'souothis

pus riche qué l'char au Rouai Dâvi
riche coumme un bourgeais

rigoté coumme du brotchet

rîsibl'ye coumme un pangni sans fond

robuste coumme un p'tit rotchi

rond coumme eune pomme

roui coumme un fé à j'va

rouoge coumme deux roses
rouoge coumme du feu
rouoge coumme du sang
rouoge coumme un co
rouoge coumme un co d'gamme
rouoge coumme un honmard

roupilleux coumme eune poule tchi coue roupilleux coumme eune trie toûsée

rusé coumme un r'nard

sale coumme d'la pé d'crapaud
sale coumme un couochon
sale coumme un piègne
sale coumme un quétot
sale coumme un sac à pânnais

savant coumme Salomon Journieaux

sé coumme du brotchet
sé coumme du pain
sé coumme du tondre
sé coumme eune bûche
sé coumme eune brique
sé coumme du bouais d'alleunmette
sé coumme du rigot
sé coumme du brési

seux coumme dé l'or

sîmpl'ye coumme a, b, c

solide coumme un rotchi
solide coumme La Tchiébault

sot coumme un lanchon

souard coumme Larousse
soûl coumme un quétot
soûl coumme eune grive
soûl coumme eune bourrique

soupl'ye coumme dé l'ôsyi
soupl'ye coumme d'la baleine

su coumme dé l'aigre
su coumme du vinnaigre

tailli coumme un lévriyi

tâssé coumme des héthans dans un bathi

tchuthieux coumme un nouvieau prêtre

tendre coumme du poulet
tendre coumme eune rôsée

têtouongne coumme eune mule
têtouongne coumme eune âne
têtouongne coumme eune chouque

teurt coumme un lian d'fagot

toûthé coumme un sorti d'prison

trantchil'ye coumme Bâptiste
trantchil'ye coumme un angné
trantchil'ye coumme un mouton
trantchil'ye coumme eune vaque

trempé coumme un canard
trempé coumme un cormouothan
trempé coumme un gliot
trempé coumme un hanneton
trempé coumme eune soupe
trempé coumme un vatard
trempé coumme un vrai
trempé coumme un vraitcheux

triste coumme un bonnet d'niet

vèrt coumme dé l'as
vèrt coumme du pouothé
vèrt coumme un chour
vèrt coumme un pré

vif coumme feu
vif coumme la poudre
vif coumme tout

vyi coumme les c'mîns
vyi coumme les rues