- "Man garçon, j'veux bain, à eun' condition,"
Dit l'Sir', qui n't'nait pon à ch't-honneu :
Chêqu' j'piès' donné à tan marmot lé nom
"Qui m'pâs'ra lé pue près du tchoeu !"

- "Ah ! oui, Mousieu, dé bouan voulé,
"Jé vos laiss' libr' dé li donné
"Lé nom, ensa,
"Qui vos pliaira."

Tchêqu' not' Sir' fait ? - Tout d'un coup v'là qu'i s'paqu'
Sièz les vêsins dé Noué Machon
Et raconté à Jean, à Gille èt à Jacqu'
Qu'i s'en va noumé lé garçon.
"Mais," dit l'Sir', chain qu'i ya d'pue bé,
Ch'est la farc' qué j'm'en vais li joué :
"Jé l'noum' Colin,
"Et pas d'niolin !"

Oprès chlà, ch'est au chain qu'ira sièz Noué,
Li souhèté jouaie du superb' nom
Qué l'Sir' dé La Houguett' s'en va donné
A san fils. S'fait Noué : "Et tchi nom ?"
- "Ah ! men garçon, i nos a dit
"Qu' ch'est 'Colin' qu'i noum'ra tan p'tit -
"Ch'là f'ra tout d'bon
"Colin Machon !"

- "Quand s'n-avé s'ra grand," s'fait yun au pouorr' Noué,
"Fie-t'y, l'z-aut's avièrs li crieront :
"Colin, Colin Machon ! tés côn's montr'-mai !"
"Eh-pie l'z-oirell's i li hall'ront !"
- "I n'éra pas d'côn's à montré . . . ."
Dit Noué, "ch'est pourtchi l'Sieur peut s'fié
"Qui n'li s'ra rain -
"Pon mêm' Pârain ! ! !"

J.D.R.
St.-Héyé, Sept. 1867.