|
Un troupé d'roses brébis sus un bliu clios: J'en vai la douochinn'nie quand j'lève mes ièrs. Coumme des chucrîns sus l'compteux, les angnieaux Pouor mé sembl'yent doux, d'sithés, chucrés et chièrs. Lé clios s'êtend au liain, vèrs l'horizon, Ès louêmes tchi gouôtent la douocheu des brébis Du goût d'frâses, dé frambouaises, dé pêches, dé m'lon, Dé tchi l'riche jus arrouôse les vèrts côtils, Vèrts coumme les poummes, amièrs coumme des grouaîsiles. Chutte contrée vîsionnée n'est qu'eune bouochie D'înmaginnâtion. Ichîn sus la Ville, I' tchait des roses brébis ensolilyies. Lé solé d'la séthée, né v'là l'bèrger Tchi cache san troupé vèrs la niet et l'nièr, Saûpoudré d'leunmiéthe et salé d'la mé, Veu par ma bouoche - et gouôté par mes ièrs.
Geraint Jennings |
Viyiz étout: