Miss C. De Gruchy Plian' gnante
Mr. F. Le Maistre Membre du Jury
Pres: Messieux du Comite d'taxation. Je sommes reunis ichin ch'arlevee pour faithe not deve, j'avons te nommes par nos paraisseins et j'avons prins serment dans la Cour Royale que je ramassons des quartiers buon gré mal gré.
J'sommes tuos pres Messieurs vos pliait t'y alle vaie si y'a des pliangnants et ergardez combein q'ien a pour nos dithe.
Francois: Je crai qui y'en a 5 ou 6 et y'a un Anglais parmi yeux.
Pres: Un Angliais grand doux d'la vie t'chest jallons faithe de chonna enfin Mrs. Privette vos pliait ti nos addresse j'espethe qu'netes pas vnus vos pliandre au sujet du rât.
Mrs. Privette: Oh nenin j'sy vnus pour vos dithe que j'avons i'eu deux avarris dans l'couthat d'chinge jours. Le premi c'htait man cat t'chi fut ecrase par un motor et ch'tait une dame t'chi l'cachait ou vint m'trouver et ou'm donni chinq louis. La pourre damme en lermait et me j'pleuthais a fraide lermes et a travers des lermes ch'li dis que j'men allais en avé un autre eq'sou avait la chance de l'esglami ou savait bein o'you q'je d'meuthe.
Pres: J'voudrais ben vos aid'ji Mrs. mais je sommes tout a fait occupees avec les quartiers du rât, et les cats ne nos interessent pas.
Mrs. Privette: Mais Moussieu vos pliait ti m'es-coutté, comme je vos lait dit, j'en s'y pas vnue ichin pour me pliandre, si chonna vos pliait ou pouvez me houchi de 5 ou 6 qrs.
Francois: L'affaithe va bien continuez Madame Privette.
Mrs. Privette: Chein qui'mjaine c'hest j'ai perdu man tchan etout j'tait la un buon tchan pour les rats ou pouviez mettre un rat d'vant li et pis ch'tait fini, et pis tuos les vaisins v'naient r'amasser pour happer les taupes, et pis l'autre jour les mousses en r'venant d'l'ecolle me rapportirent man tchan raide mort, I'm dites qu'il avient veu un motor passer par dessus, chen est yun de ch'es la qui court es courses, et ben Messieus si ou pouvez m'trouver l'oise la ou pouvez me hauchi de 10 quartiers.
Pres: J'espethe qui ne'seez pas trop longtemps d'vant trouvé un cat, et pis j'crai ben la dame ne s'ea pas longtemps d'vant l'esglami.
Francois: Au sujet du tchan je crai que j'el connais ben, chen est iun qu'a un car, qu'est peint maniethe de vert, et sus l'mudgard en d'vant, I'a une grande taque de sang, et je crai que chest du sang de tchan, par la couleur.
Mrs. Privette: J'vos r'mercie, et j'espethe que tuos les siens qui s'en vont vni lus pliandre es'sont aussi raisonable come me, et accou une fais Messieurs j'vos r'mercie.
Pres: J'vos r'mercie Madame de la maniethe qu'nos avez addresses et comme Mons. Trepi connait ben le gas du motor qu'a tue mot t'chan j'allons ben seux l'trouver j'allons vos hauchi de 10 quartiers.
Mrs. Privette: Merci Messieurs buome chance. Abetot. (ou r'toune de bord en s'en r'allant et pis ou dit). Noubliez pas a l'y dithe que j'veurs 10 Louis pour man t'chan, et pis sip aye ou pourez me hauchi de 20 qrs. Abetot accou un fais. Abetot Messieurs.
Pres: J'avons ben im'enchi eche pas si j'pouvons continue d'meme le Connetable ne s'ca pas pressi d'nos remplaichi.
Francois: Si' je pouvons continuer d'meme je crai que l'Connetable nos donna un diner.
Pres: Amene le prechain.
Viyiz étout: