Allons Ammins siès le p'tit Père,
Pour qui nouos faich eun' longu' prière
D'mandons li d'l'Or pour l'eslection,
Il en don'na l'chier p'tit Cannon!
Saoutons y don -
Vain ma Mannon?
Ah, j'nirai pon,
Man chier garçon,
Je crains l'Cannon!
Le v'lo qui vaint là dans l'Chimquère;
Il est pus sly, là qu'dans sa quaire -
Fait-le pasler - et pasl'li don,
Tuas paux d'la poudre de san Cannon!
Ah, ma Mannon,
A l'eslection
Je n'irai pon;
Prend l'Or, garçon,
Et n'y va pon!
Mais après tout, nouot bouan p'tit Prestre,
A d'l'Or tout pliain, chest pour té, p'test'e
I' veux des vouaix, pour chu garçon,
L'gros Os en chiffre d'san Cannon!
Oh, ma Mannon,
J'nen prendrai pon,
Je votai don,
Maugré l'Cannon -
Fari-don-don!
Il est bein riche, il a des billes!
Qui fait saoûter, si m'nu com' grilles!
I' veux qu'mander sus san Cannon!
Le p'tit Arthur n'est qu'un prest'-nom.
Fari-don-don,
Don dain don don:
Ch'nest qu'un prest'-nom!
Ah, l'poor garçon!
I' craint l'Cannon!
L'Tambour-Majeur a fait un compte
Des Sept chents Louis! - ovec discompte
Quil intérest, man chier garçon?
Le Cher paira bein chi l'violon!
Et san Cannon?
Qui Rigodon
Pour le prest'-nom!
Qui Rigodon,
Pour le prest'-nom?
|
