L'Êpitre à Philémon
Vèrsets 7-10
Véthe, j'ai r'chu hardi d'jouaie et d'encouothagement dé t'n amour, pa'ce qué les tchoeurs des saints ont 'té ravigotés par té, man fréthe. Et né v'là pouortchi - ouaithe qué j'sais hardi assez dans l'Christ pouor té c'mander d'faithe tan d'vé, qué, tout coumme, j'aim'thais mus t'faithe appel s'lon l'amour - et mé, Paul, j'fais chennechîn coumme un vyi, et achteu étout coumme un prisonnyi d'Jésû Chri. J'té fais appel pouor m'n êfant, Onésime, dé tchi j'sis dév'nu l'péthe duthant m'n emprisonnement.
Vèrsets 20-25
Et don man fréthe, qué j'aie d'la jouaie d'té dans l'Seigneu; ravigote man tchoeu en Christ. Étant asseûthé qu'tu f'thas man d'si, j't'êcris en sachant qu'tu f'thas acouo pus qué j'dis. Et graie-mé eune chambre; ch'est en tchi j'espéthe qué par tes priéthes jé s'sai r'donné à té. Epaphras, man fréthe prisonnyi en Jésû Chri, t'envyie s'n amour; et Mar, Aristarque, Démas et Luc, mes fréthes en travas l'font étout. Qu'la grâce dé not' seigneu Jésû Chri sait auve tén esprit. Qué ché sait d'même.
Viyiz étout: