Lé phénix est, s'lon la crianche, un ouaîsé d'fliambe. Chutte criatuthe légendaithe 'tait înmortelle, et s'lon tchiques vielles descriptions r'vénait rarement parmi les gens, ofûche pouor mèrtchi tchique grande occâsion ou touos les siècl'yes ou s'lon tchique aut' chédule.
L'ouaîsé 'tait rouogeâtre ou pus à co pourpre. Lé phénix 'tait înmorté et n'mouothait janmais, mais vieillissait tout comme. Quand l'ouaîsé s'sentait aller sus l'âge, i' ramâssait d's êpices à seule fîn d'en graie un nid. Lé vièr ouaîsé sé jutchait sus san nid êpicé et en s'èrtouônnant au solé, ouvrait d'laîze ses ailes et happait feu. Un co brûlé dans san nid, lé phénix rajanni s'èrlévait des chendres.
Lé phénix 'tait don un sŷmbole d'la r'naîssance et d'la résurrection.
Nou peut vaie un phénix stchulpté sus des bâtisses, et en Jèrri par exempl'ye y'a un phénix dans eune vèrrinne dé l'églyise dé Saint Luc.
Viyiz étout: