Yiavet de bieaux jennes hommes et de belles petites filles,
Qui savaient bein dansé, et qui pouvaient bein rithe;
Nou joui des rondes danses, des jeux difféthentes sortes,
Et étout chu jeu là qu'deuex attendent à la porte,
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

Yiavet eun jeune homme là; eun Mess Ne-dit-mot,
Et eun aoutre Mess qui chantit si bein Coquelicot.
Tchinna, avec deuex lettres hors de san nom,
L'y donnet l'nom deunnc Ange, devineais san nom.
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

San nom qu'menche avec eunne M, et finît avec eunne L,
Mais y n'peut pas volé, car y n'a pas d'ailes;
Avous d'vinet san nom? mon doux, chest bein aîsi:
Si chest qu'où n'pouveais pas, je peux bein vos aîdgi.
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

Nou joui avec eunne bague et eun morcé d'cordon;
Nou joui a la vieille fille, et pis au vieir garçon;
J'eûmes du chant, et des danses, sans doute avec raison,
De la gâche et du vin, avec eun p'tit d'limon,
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

La tabyïe était dréchie, comme si t'chet pour eunne reine;
Jamais j'ein pouorai pas oublié la belle scène;
Yia'et de tout à prendre à tarlarigot,
Et bein yian avet la qui n'dirent pas un mot.
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

J'tais a eun aoutre "party" le premi jour de l'an;
J'rencontri d'vieirs anmeins qu'j'navais pas veu d'longtemps.
Hélas!! t'chi châquethies d'mains, t'chet à n'en pas finit,
Mais pour vos en dithe vrai, v'la qui m'fit grand piaîzi.
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

Sans doute, la étout yiavet d'la danse et du chant,
D'la musique et des jeux, comme dans man jeune temps;
Je fûmes bein rigaleais avec du bé et du bon.
Chu Mousieu là, à tréjous tet eun bouan garçon.
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

Nou ziez si bein servis, chest eun piaîzi d'yiallé:
Que nou zialle pour le teais, où bein pour le dîné,
N'yia jamais rein d'trop chit, que sçait bèthe où mangit;
Y sont tréjous contents de vos vais en touos temps.
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

Hélas!! j'eumes t'y du "fun," jamais j'navais rit tant;
Touos les siens qui tais là, étaient de si "nice" gens.
Un Mousieu qu'était là, s'assit sçouos "l'miseltoe";
Y fut surpreins qu'eunne dame le suivit aussitôt.
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

Chein qu'arrivit auprès, j'ai grand envie d'vos l'dithe;
Où z'aveais tet sçouos "l'miseltoe", quand où têtes jeune filles;
J'tait eunne nouvelle mode, la dame preins la piaiche du mousieu
Et toute suite je donnîmes eun nouvieau nom au jeu.
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

Yiavet eunne ancienne jeune fille, qu'était ronde comme eunne pomme;
Ou'l a d'belles grosses rouoges jos, et sén yeux petiyionnes;
Ou'l est d'gaie comme peinchon et peut chanté eunne chanson;
Où s'çait des rondes danses, garçons pour vous t'chi bouanne chance.
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

Il est temps que j'finisse où bein où s'çeais engnièais;
J'espèthe que j'nos rencontrethons ichein bein des anneais:
J'vos sçouette bouanne santet, joie et prospéritet,
Et heutheurs dans chu monde, et dans l'êsternitet.
Et puis, voilà, voilà.
Sur l'air du tra la la la,
Sur l'air du tra la la la,
Sur l'air du tra le ri de ra la la la.

Georgie