Du Pain d'Viande
îngrédgeins:
- des restes dé viande dé vieau et d'poulet
- du beurre, d'la flieu
- du chaud
- du sé du paîvre
- trais oeux
- du lait
- d'la sauce dé tonmates
Hadgiz d'la viande dé vieau et du poulet tchi reste. Prannez du beurre, d'la flieu, et du chaud et griyiz-en eune sauce, auve du sé et du paîvre, en l'tchîthant pouor vîngt minnutes. Ajouôtez la viande hadgie auve trais jaunes d'oeu bein d'battus dans un mio d'lait. Fouôtez les bliancs d'oeu jusqu'à ch'qu'i' saient fèrmes, et pliez-les dans l'mêlange. Vèrsez l'mêlange dans un moûle à podîn bein graîssi. Tchuithez à l'ieau (lé moûle pliaichi dans eune bolle remplyie d'eune bouoillie dg'ieau) pouor eune heuthe. Dêtouônnez l'pain d'viande dé d'dans l'moûle sus eune assiette et vèrsez d'la sauce dé tonmates sus.
Viyiz étout: