A Mons. l'Editeur de la “ Nouvelle Chronique "
|
Ah Mousieu l'Editeur, j'eu biaucou de chagrin, Eu viant la Gazette Mêcrédi matin, Car Mousieu Pert 'tait muothant, Mousieu Oméga, Avait une paralyzie par tout chonna, J'enne criais pon qu'la chose 'tai poussaie si hien, Pour une bagatelle d'la valeur de rain. Hier en v'nant en Ville, dans l'hernais a man vaisin, J'pâlimes, li et mé, d'l'affaith' tout le long du k'min. Chétai Maitre RICHARD BIAMPI, le sien du Pont, Qui s'en allait au vraic avec tuous sos garçons. Hi m'dis, chu VILLAIS en connais long, de l'ANCIEN. Je dis vethe, je crai que v'la qui le sert bain, Car après chain qui s'est passai, y devthai restai siez li. Sans se mêlai du tout des affaithes qui sont du publhi. Car si donne l'occasion D'autres trouvthont le larron. Venu en Ville, je trouvi JOHN, de Sant-Sauveux, Qui qu'manche a cherchi à me faithe peux, En disant, il est muothant, j'en vint tout nerveux, Hi s'erprint et dit, n'craint rain, hi n'en muora pon, Car s'il est muothant, y n'est Muothant que de nom. Hi fini par me faith' rithe oquoth un mio, Quand y vint a m'dithe, chest l'grand du Dou-d'Pitho. Se ii demandi a l'uotheille qu'est-kais OMÉGA ? D'un signe de la tête, hi m'fit, ergas la, le v'la. Je l'ergardi, et pis l'idée me vint, je pensi, A san pi, qui me pathaissait paralizi. JOHN me dit, che n'est pas une paralizie, Car chétait dans la ghierre des Etats-Unis, Une balle d'un gros cannon, un ricochet, Jétai en dessous du genou qui fut tapai. Trinité, ce 10 Mai, 1887. |
Viyiz étout: