Ah! Né v'chîn Fraînque Lé Monstre qu' est v'nu à la porte.

"Bouônjour!" dit Fraînque Lé Monstre. "Coumme est qu'ous êtes?"

"Pas trop mal", disent Ph'lippe et Mathie.

Fraînque Lé Monstre est heutheux pa'ce qué ses anmîns sont v'nus l'vaie.

"J'sommes v'nus", dit Mathie, "pouor saver si tu veurs v'nîn siez nous?"

"J'nos en allons faithe des mèrvelles", dit Ph'lippe.

"Mangnifique!" dit Fraînque Lé Monstre. "J'aime bein les mèrvelles!"