Les Pages Jèrriaises

Une Douzaine de Miraclles

Quand nou verra les cats et tchians
Danser ensemblle en souaie et gants;
Quand pllumes creitront sus les brebis;
Quand les ouaisiaux airont quatr' pids;
Quand chinq fais quatr' f'ront deux fais iune.;
Quand nou f'ra crêpe de la plleine lune;
Quand un homme souls es'sra d'adert;
Quand paissons s'crol'ront dans des bers;
Quand l'grand picot de Jeann'ton l'Dain
Juq'ra sus l'nez d'mousieu l'Doyen;
Quand j'apprendrons à lliere es viaux
Les fill's laiss'ront les hommes en r'pos:
Mais criyiz me mes chiers êfants,
I' s'ront les mêmes ocouo longtemps.

 

ANONYME.

1872

 

Vèrsion modèrnîsée:

Eune Douzaine dé Mithacl'yes



Quand nou vèrra les cats et tchians
danser ensembl'ye en souaie et gants;
quand plieunmes craîtront sus les brébis;
quand les ouaîsieaux éthont quat' pids;
quand chîn fais quat' f'thont deux fais ieune;
quand nou f'tha crêpe dé la plieine leune;
quand un homme soûl es'sa d'adèrt;
quand paîssons s'craûl'lont dans des bèrs;
quand l'grand picot dé Jeann'ton l'Dain
juqu'tha sus l'nez d'Moussieu l'Douoyen;
quand j'apprendrons à liéthe ès vieaux,
les fil'yes laîss'sont les hommes en r'pos.
Mais criyiz-mé, mes chièrs êfants:
i' s'sont les mêmes acouo longtemps.


 

Viyiz étout:

 

Les Pages Jèrriaises