Les Pages Jèrriaises

Ès lecteurs de l'almonas

(Auve la pèrmission du Chef dé la Chronique).

Y' a eune drôle dé p'tite vielle bouonnefemme tchi reste à St. Ou. Oulle a eune si tchuthieuse fache et oulle est d'si bouon tchoeu, si risiblye, si avenante et si polie qu' oulle est en exemplye à un tas d'mal êlevés qué nou rencontre par les c'mîns. Parmi l's avièrs ou s'fait bein vaie et tous la portéthaient dans lus main. Ah, dame, ou n'a pon d'ennemîns, la bouonnefemme, - mais d's anmîns à toutes les carres!

Assa, l'année passée 355 Almonas lî passîtent entre les mains, et oulle a bouonne idée d'en vendre 400 pour 1940, sapresti! Ch'est en tchi - et j'm'adresse ès St. Ouonnais sustout - pour faithe pliaisi à chutte bouonne Anne Marie et pour donner un coup d'main à la vielle Chronique, prenez-li, don, un Almonas - noufait, prenez-li' en un couplye; iun pour vous et iun pour vouos gens hors pays, pour lus ramémouaither l'Jèrriais et not' vièr Jèrri.

Pièrre dé Vînchelez

 

Viyiz étout:

 

 

Les Pages Jèrriaises