- (38k)
Jean, gros Jean mathyit sa fille,
Grôsse et grâsse et bein habille,
À un marchand dé chabots,
Radînguette et radîngot.
Pour dîner ils eutent des pais,
Entre quatre i' n'eutent que trais,
Ah! deviner si ch'est trop,
Radinguette et radingot.
Pour soupé il' eûtent des preunes,
Entre quatre i'n'eûtent qué ieune,
La couothée d'un êtchèrbot,
Radinguette et radîngot.
I' fitent faithe eun-é couochette
De deux secs buts de bûtchette,
Et l'ouothillyi d'un fagot,
Radînguette et radîngot.
I' fîtent faithe des courtines
Criyant qué ch'tait mousseline,
Mais ch'tait calamîngot,
Radînguette et radîngot.
Quand sé vînt pour la couochade,
Les pouèrs allaient quatre à quatre,
Et les puches allaient lé trot,
Radînguette et radîngot.
Dans chu liet il' eûtent du fanne,
Et pus tard vînt douze êfants,
Nou dit treize éthaient 'tait trop,
Radînguette et radîngot.
Viyiz étout: