Né v'chîn les patholes dé Cyrus, Rouai d'Pèrse: "L'Seigneu Dgieu des Cieux m'a bailli touos les rouoyaumes d'la tèrre, et i' m'a c'mandé d'bâti eune maîson pouor li à Jethusalem, tch'est en Juda. Lé chein parmi vous tch'est d'san peupl'ye, qué san Dgieu âge acanté li, et qu'il âge à Jéthusalem, tch'est en Juda, et s'en d'mente d'la bâtithie d'la maîson du Seigneu, l'Dgieu d'Israël; ch'est li l'Dgieu tch'est à Jéthusalem."
Et n'en v'chîn la listéthie: des bachîns en or, trente; des bachîns en argent, mille; des coutchieaux, vîngt-neuf; des bolles en or, trente; d'aut's bolles en argent, quat' chent dgix; d'aut's vaîssieaux, mille; lé total des vaîssieaux d'or et d'argent 'tait chîn mille quat' chents. Touos ches'-chîn Chèchbazzar rapportit quand l'exilés fûdrent ram'nés du pays d'Babylonne à Jéthusalem.
Il' avaient sept chent trente-siêx j'vaux, deux chent quarante-chîn mules, quat' chent trente-chîn chanmeaux, et siêx mille sept chent vîngt ânes.
Et i' baillîdrent des sou ès machons et tchèrpentchièrs, et d'la viande et du béthe et dé l'hielle ès cheins d'Sidon et d'Tythe, pouor lé transport d'bouais d'cèdre du Liban à la mé, à Japho, s'lon chein qu'Cyrus, Rouai d'Pèrse, lus avait autorîsé.
Épis i' lus dîdrent chennechîn: "Tch'est qu'i' sont les noms des cheins tchi sont à bâti chu bâtisse?"
Laîssiz continnuer les travaux sus la maîson du Bouôn Dgieu; laîssiz l'gouvèrneux des Juis et lus seurvilyants bâti chutte maîson du Bouôn Dgieu là où'est qu'oulle est.
Et i' sacrificyîdrent à l'ouvèrtuthe dé chutte maîson du Bouôn Dgieu chent boeux, deux chent brébis, quant' chent angnieaux, et coumme un sacrifice pouor l'péché pouor tout l'Israël, douze bichots, iun pouor châtchun des tribus d'Israël.
Et les cheins tch'avaient 'té des prisonnièrs, un co r'vénu d'hors pays, brûlîdrent des sacrifices au Dgieu d'Israël: douze boeux pouor tout l'Israël, nénante-siêx b'lîns, septante-sept angnieaux, douze bichots for un sacrifice pouor l'péché - tout chennechîn brûlé en sacrifice au Seigneu.
Quand j'ouït chenna, j'êtrilyis man habit et man manté et êraichis mes g'veux et ma barbe et m'assiévis tout ravi.
Épis toute l'assembliée rêponnîdrent à haûteu d'vouaix, "Ch'est d'même; ch'est qué j'avons à faithe coumme tu l'as dit."
Viyiz étout: