Êpitre ès Colossiens
Chapitre 3, vèrsets 12-17
Coumme les chouaîsis du Bouôn Dgieu don, bénîns et bein aimés, comport'-ous ouèrtement auve du pitchi, d'la bonheu, d'l'heunmilité, d'la douocheu, et d'la pâcienche. Séyiz enduthants l's iuns envèrs l's aut's, pardonn'-ous l's iuns d'auve les aut's, s'i' y'en a tch'ont offensé san fréthe, dé même qu'lé Seigneu vos a pardonné.
Et sustout, entr'-aim'-ous! V'là tch'est l'seul mouoyen d'êt' unnis parfaitement. Qu'la paix du Christ gouvèrne dans vot' tchoeu, viyant qu'ch'tait lé d'si du Bouôn Dgieu qu'ou séyiz unnis dans un corps; et louangiz l'Bouôn Dgieu tréjous! Qu'la pathole du Christ d'meuthe en vous auve toute la richesse d'la sagesse, en ensîngnant et vos entr'-aîdgant auve des cantiques dé louanges et d'la sainte prêch'chie, en sonnant au Bouôn Dgieu auve d'la grâce dans vot' tchoeu. Et tout chein qu'ou faites, dans la pathole ou l'fait, faites-lé au nom du Seigneu Jésû, en louangeant Dgieu l'Péthe par li.
Chapitre 3, vèrsets 17-19
Et tout chein qu'ou faites, sait des dits sait des faits, faites tout au nom du Seigneu Jésû, en louangeant Dgieu l'Péthe par li. Femmes, séyiz gouvèrnées par vos hoummes, s'lon chein tch'est vrai dans l'Seigneu. Hoummes, aimez vos femmes, et n'séyiz pon amièrtis contre ieux.
Chapitre 3, vèrsets 18-19
Femmes, séyiz sujettes à vos propres hoummes coumme il appartcheint s'lon l'Seigneu. Vous hoummes, aimez vos femmes, et n'nâdgiz pon contre ieux.
Chapitre 4, vèrsets 2-3
Mett'-ous tréjous à prier, à vilyi auve des louanges et à prier pouor nous pouor qu'lé Bouôn Dgieu nos ouvre eune porte pouor la prêch'chie d'la pathole, du s'gret du Christ, pouor tchi j'sis achteu en prison.
Chapitre 4, vèrset 6
Qu'ou pâliêtes tréjous atout d'la grâce, assaîsonnée atout du sé, à seule fîn qu'ou piêssiez rêpondre à un châtchun.
Viyiz étout: