Dans les chent membres lus rêunitent vendrédi, lé 24 dé septembre, dans la Salle Pârouaîssale dé St. Jean pour la rêunion Générale annuelle.
D'vant c'menchi l's affaithes, lé Président, lé Connêtabl'ye W. J. Tomes, fit la beinv'nue au Dr. Patrice Brasseur dé l'Unnivèrsite d'Caën, qu'avait 'té en Jèrri pour tchiques sémaines à faithe des r'chèrches sus lé Jèrriais.
Preunmiéthement la Ségrétaithe liut lé rapport pour l'année 1975-76, tchi fut accepté auvec félicitâtions à la Ségrétaithe. Auprès, lé rapport dé la rêunion générale annuelle pour l'année 1975 fut liu et accepté.
Lé Trésôryi liut un bouan rapport finnancyi pour l'année, qui montrait eune balanche à la banque, 430 membres ayant payi lus souscriptions. Lé Trésôryi r'chut des félicitâtions pour aver bein gardé les livres.
Les êlections pour l'année 1976-77 suivîtent et n'en v'chîn la liste:-
D'vant qué lé Connêtabl'ye W. J. Tomes s'èrtithîsse coumme Président i' dit qué ch'avait 'té un grand pliaîsi pour li d'aver sèrvi L'Assembliée pour quatre ans et èrmèrcyit ses officièrs et membres du Conmité Exétchutif auvec tchi qu'il avait travailli.
Lé Sieur J. N. Richard fut êlu à sa pliaiche.
Vice-Présidents - Les Dlles. F. M. Hacquoil et K. Le Boutillier et lé Juge R. H. Le Cornu (rê-êlus), lé Député G. N. Simon (êlu).
Trésôryi - Lé Sieur B. J. Amy, La Butière, Rozel, St. Martîn (rê-êlu).
Trésôryi-Assistant - Lé Sieur C. C. de Gruchy (êlu).
Ségrétaithe - La Dlle. Ruth Amy (rê-êlue).
Ségrétaithe-Assistant - Lé Sieur Colin Vibert (rê-êlu).
Lé Conmité Exétchutif - Les officièrs et Mesdanmes P. Green, P. Hughes, M. J. de la Haye et L. Bichard, les Dlles, C. de Gruchy et F. M. Renouf, les Mêssieux F. Le Maistre et C. V. Le Quesne (rê-êlus), lé Sieur H. F. Vibert (êlu).
Lé Conmité Social - Mesdanmes L. Bichard, I. Amy, E. Mollet, M. Le Blancq, L. Rondel, O. Binet et L. Helleur, les Mêssieux P. C. Binet, L. Rondel et F. Helleur (rê-êlus).
Lé Conmité Dramatique - Mdes. M. J. de la Haye, M. Maillard, E. de Gruchy et J. Vautier, les Dlles. C. de Gruchy et H. de Veulle, lé Juge R. H. Le Cornu, et les Mêssieux G. J. Perchard, S. Le Breton, H. G. de Gruchy et H. Cabot (rê-êlus).
Lé Conmité d'Rédaction, Publyicâtions et Philologie - Dr. F. Le Maistre, OBE, lés Mêssieux George Le Feuvre et M. G. Lucas et Mde. K. Le Maistre (rê-êlus).
Tous èrchûtent des félicitâtions pour lus bouan travas duthant l'année.
Les Auditeurs - Les Mêssieux F. A. Le Maistre et K. W. Syvret (rê-êlus).
Lé Connêtabl'ye W. J. Tomes fut êlu Président d'Honneu.
Les affaithes finies, lé Président, lé Sieur J. N. Richard, annoncit qué lé bulletîn spécial 'tait à vendre (50p) et les cartes d'Noué (5 pour 30p), et les souscriptions pour l'année 1976-77 'taient à être èrchues.
La Ségrétaithe montrit des filmes prîns dé difféthentes activités qué L'Assembliée avait fait avaû l's années, c'menchant auvec lé “show” à Springfield et pis eune visite à Rouën en 1966 auvec la Musique dé Jèrri, eune visite au Fort Règent en 1974, la visite dé L'Assembllaïe d'Guernesiais lé mais d'septembre, 1975, et la visite des danseurs lé mais d'juillet ch't année.
Lé Président èrmèrcyit lé Conmité Exétchutif pour lé souper, tous pour être v'nus et lé Connêtabl'ye W. J. Tomes pour l'usage d'la salle.
1976
Viyiz étout: