Les Pages Jèrriaises

Vers Jèrriais
(Pour les Albums des Jannes Filles)

 

 

Trop d'femmes et trop d'maisons
Mettent un houmme à r'tchulons :
Faute de femme et d'maison
L'fait vite perdre la raison !

 

 

Nou dit tréjous qu'un neu' g'nêt
Nettis parfait'ment l'plianchais,
Mai' neu' g'nêt et neu' galant
Prouvent souvent mal ov le temps !

 

 

Quand je m'mêts en train d'êcrire,
Sait d'la prose ou sait des vers,
J'aim'rais bein faire le monde rire
Quand je m'mets en train d'êcrire,
Pour les jannes ou pour les vièrs.
Mais j'n'ai pas souvent l'esprit,
Quand je m'mets en train d'écrire,
D'aver d'tchi d'risibl'ye a dire!

 

 

Quand, dans un même pann'yi, ou mettèz touos vos oeu's
Prenèz bouan soin qu'la hangne es'sait forte coumme deux
Car si la hangne escappe une fais qu'ous êtes en qu'min
Ou verrèz une omelette et p't'être pus d'un pouochin!

 

 

La femme est coumme la catte:
Ou'lle aime que nou la fliatte
Et s'frot'ta contre vous,
En faisant patte de v'lou"s. -
Mais quand l'affaithe ne lis pliait pon
Ou' rounne bein, - mais aus un autr' ton!

 

 

L'houmme est un êtrange anima'
l' piaille et crie dès qu'il a ma';
S'pliait à grounner, et crititchi, -
Sustout quand i' n'sait pas pour tchi!
Faut-i' qu'ch'es'sait un drôle d'objèt!!
Et y'a des femmes qui veulent d'itèt!!!

 

E. J. L.

 

Viyiz étout:

 

Les Pages Jèrriaises