Les Pages Jèrriaises

Un Vier Captaine


Si je ne sis pus captaine,
Ch'est que je l'ai bein voulu ;
Je sis puni pour ma peine
D'aver 'té un p'tit goglu.

Nou verra si nouz y rgarde,
A qu'est qu'les nouviaux sont bons ;
S'i' peuvent à la parade
S'comparer es viers barbons.

J'voudrais faire men service,
Car je me pllais à c'mander,
Et je sais bein l'exercice,
Je le dis sans me vanter.

Le chein qui le sauler cauche,
Sait le mûx où-est qu'i' fait ma ;
Eyes-right -
ergardez à gauche, -
Wag – left-wheel – Tourcha - Tourla.

 

UN VIER SOUDARD.

 

Viyiz étout:

 

Les Pages Jèrriaises