Les Pages Jèrriaises

Chest Triste.

I.

N'avé qu'un p'tit d'butin, et l'vais suôl'ver,
Chest assez triste:
Mais suos l'mêm' coup vais queur quéru s'créver, -
Chest bein pus triste;

II.

N'avé qu'un p'tiot; - ses yeux muôrants freumer,
Chest chla qu'est triste;
Mais, en long' veill's de faux espé, guetter -
N'êch' pas pus triste?

III.

N'avé qu'amitié, et la vais ernier,
Ah! que chest triste;
Mais ouesq' ya amour, le vais sec renvier, -
Vla qu'est pus triste -

IV.

N'avé qu'houneur pour tout bein vo's rester,
Ah, dam! êch' triste?
Mais n'avé pus âm' d'homm' sus qui compter, -
Chest mêm' pus triste.

V.

N'avé qu'un but, et l'vais vo's écapper.
Chest vrêement triste;
Mais vais vot' travas contre vous tuôner, -
Quêq' ya pus triste?

VI.

N'avé que p'tit d'temps dévant tout quitter,
Chest peut-êtr' triste:
Mais - ov drein' lerm' - de tout et tous douter -
Chest pus que triste!

L.
18 Avri 1867.

 

Viyiz étout:

 

Les Pages Jèrriaises